पुरुष यौनकर्मीका कुरा, ‘रहर भन्दा पनि लहैलहैमा फसियो’

विमल नेपाल

–मासिक ५० हजारसम्म कमाई हुने व्यवसायीको भनाई

–श्रीमान विदेश गएकाहरु भरपर्दा ग्राहक

–महिला यौनकर्मीका लागि कडाई भए पनि पुरुषका लागि सहज

यौन व्यावसायमा महिलाको सहभागिताका विषयमा त धेरै सुनिन्छ । तर, पुरुषले पनि व्यावसायकै रुपमा यौनकर्म गर्ने गरेको कुरा तँपाईलाई नौलो लाग्न सक्छ ।

हो, जिल्लाकै एक पुरुषले राजधानी काठमाण्डौंमा लामो समयअघि देखि यौन व्यावसाय गरिरहेका छन् । उनले कुनै ‘मसाज सेन्टर’, क्याविन वा बेश्यालय खोलेर यौन व्यवसाय गरेका होईनन् । उनी ‘कन्याक्ट’मा महिलाहरुसँग यौन सम्पर्क गर्छन् । र, सो बापत निश्चित रकम लिन्छन् । ‘सुरुमा त परुषले पनि यौन बापत रकम पाउँछन् भन्ने लागेकै थिएन ।’ परिचय नखुलाउने शर्तमा उनले भने, ‘रहर भन्दा पनि लहैलहैमा यता लागियो, अहिले त व्यवसाय नै भईसक्यो ।’

अहिले पनि उनको खास व्यवसाय भने अर्कै छ । काठमाण्डौंमा स्टेशनरी सामानको व्यापार गर्ने उनी ‘पार्टटाईम’ कामका रुपमा यौनकर्म गर्ने गरेको वताउँछन् । दिनमा तीन चार जनासँगसम्म यौन सम्पर्क गर्ने वताउने उनले एक जनावाट पाँच हजार देखि ३५ हजारसम्म लिने गरेको वताए । ‘तर यति नै भन्ने हुँदैन । नियमित गर्नेसँग सित्तैमा पनि गर्नुपर्छ ।’ उनले भने, ‘त्यस्ताहरुसँग एकमुष्ठ पैसा लिने गरेको छु ।’

राजधनीमा अहिले पुरुष यौन व्यावसायीको संख्यामा एकदमै बद्धी भएको पनि उनले जानकारी दिए । कहिलेकाँही आफू एक्लैले नभ्याँउँदा साथीहरुसँग सहकार्य गर्नु पर्ने हुन्छ । आफूलाई खडेरी परेका बेला पनि साथीहरुले खोजिदिएर सहयोग गरिदिने गरेको उनले वताए ।

कुन समूहले गारउँछ त यौनकर्म ?

श्रीमान विदेश गएका र विशेष गरी लाहुरेका श्रीमती र छोरीहरुले पैसा दिएर यौन सम्पर्क गराउने गरेको व्यवसायमा संलग्नहरुले वताए । पहिला आफू यौन व्यवसायमा संलग्न भएर साधारण जीवन विताईरहेका महिलाले पनि आफूहरुलाई प्रयोग गरेर यौन तष्णा मेट्ने गरेको उनीहरुले वताए । ‘तर त्यस्ताहरुसँवाट खासै पैसा आउादैन भावना बुझेर गर्नु पर्ने हुन्छ ।’ ती जिल्लाका पुरुष यौनकर्मीले भने, ‘खास गरी काम दिने त श्रीमान विदेश गएकाहरु नै हुन् ।’ आफ्नो श्रीमानसँगको यौन सम्पर्कमा असन्तुष्ट नारीहरुले पनि त्यसरी आफ्नो चाहना पूरा गर्ने गरेको उनले वताए ।

जागिरे श्रीमानका श्रीमतीले पनि भाडामा यौनकर्मी पुरुषको प्रयोग गर्ने गरेको वुझिएको छ । ‘उनीहरु माया त आफ्नो श्रीमानलाई नै गर्छन् । तर, तिर्खा मेट्न मात्रै हामीलाई प्रयोग गर्छन् ।’ उनले भने, ‘ त्यस्ताहरु घर पनि नविग्रियोस्, चाहना पनि पूरा होस् भन्ने चाहन्छन् ।’ आफ्नो जवानीको समयमा विदेशमा श्रम गरेर फर्केका र बिहे पनि नगरेका महिलाहरु पनि पुरुष यौनकर्मीका ग्राहक हुने गरेका छन् ।

कसरी हुन्छ त ‘कन्ट्याक्ट’ ?

जिल्लाकै अर्का राजधानीमा यौन व्यवसाय गर्ने पुरुष दामोदर (नाम परिवर्तन) डान्स सेन्टरमा ट्रेनिङ लिने क्रममा त्यस्ता महिलाहरु सँग आफ्नो सम्पर्क बढेको वताउँछन् । एस.एल.सी उतीर्ण गरेर अध्ययनका लागि राजधानी छिरेका दामोदरको बचपन देखिकै चाहना थियो– राम्रो ‘डान्सर’ बन्ने । सोही अनुरुप उनी काठमाण्डौंको एक ‘कल्चर’मा नाच सिक्न थाले । त्यसै क्रममा उनको धेरै स्त्रीहरुसँग संगत बढ्यो । त्यसै सिलसिलामा उनले एक दुई वटा चलचित्रमा अभिनय पनि गरे । त्यस्तैमा ‘ह्यण्डसम’ दामोदर प्रति कोरसमा नृत्य गर्ने केटी प्रभावित नहुने कुरै भएन । उनीहरुसँग निकटता बढ्यो, यौन सम्पर्क भयो । र, उनीहरुकै सम्पर्कवाट दामोदर क्रमशः यौन व्यवसायी भए । दामोदरकै अनुसार उनले अभिनय गरेको चलचित्रमा सँगै नृत्य सिकेका केटीहरु कोरसका रुपमा नाचेका थिए, जो काठमाण्डैंका धनी बाऊका छोरीहरु थिए । सुरुमा उनीहरुले पनि सेक्स बापत केही रकम दिएको उनले वताए । ‘पछि उनीहरुकै सम्पर्कमा अरु धेरै आउन थाले । गाडी लिएर आउाथे, ठूला ठूला होटलमा लैजान्थे । त्यस्तै सेक्सी ब्यबहार देखाउँथे । मेरो मन नपग्लने कुरै भएन । सेक्स हुन्थ्यो । हिड्ने बेलामा फेरि भेट्ने बाचा गर्दै पाँच÷दश हजार रुपैंया दिन्थे । क्रमशः यो व्यवसायमा फसियो ।’ दामोदरले भने । यो त व्यवसायमा सम्लग्न दामोदरको सबाल हो ।

राजधानीका ठूला सपिङ सेन्टर, ठूला होटल र ठूला रेष्टेरेन्टमा त्यस्ता ग्राहकको खोजी गर्ने महिलाहरु भेट्ने गरेको व्यवसायमा संलग्नहरुको अनुभव छ । आँखाको भाकावाट नै चाहना थाहा भए पनि त्यस्ता धेरै मान्छेहरुको जमघट हुने ठाउँमा ‘एजेन्ट’हरु नै खटिएका हुन्छन् । चाहना गर्ने महिलाले ‘ह्याण्डसम’ र धेरै सेक्स गर्न सक्ने अनुमानको आधारमा ‘भिजिटिङ’ कार्ड दिएर जान्छन् । र, फोनवाट सम्पर्क हुन्छ । अनि साथीहरुकै संगतवाट पनि यौनको चाहना राख्ने महिलासँग सम्पर्क हुने गरेको व्यवसायमा संलग्नहरुले वताए ।

कहाँ हुन्छ सेक्स ?

‘कन्ट्याक्ट’ भएपछि महिलाहरुले नै बोलाउने गरेको उनीहरु बताउँछन् । धेरैजसो महिलाले आफूहरुलाई घरमा नै बोलाउने गरेको दामोदरले बताए । ‘कुनै चोकमा भेटौं भनेर बोलाउँछन् । अनि उनीहरुले नै आफूले चाहेजस्तो ठाउँमा लैजानछन् ।’ उनले भने, ‘ कसैले घरमा लैजान्छन् त कसैले होटल ।’ कहिले राजधानी बाहिर पनि व्यवसायका क्रममा जान परेको अनुभव व्यवसायीहरुको छ । यस सिलसिलामा खास गरी पोखरा, सौरहा जाने गरेको उनीहरु वताउँछन् । जागिरे श्रीमानका श्रीमतीहरु भने घर भन्दा बाहिर जान चाहँदैनन् । बाहिर गए पनि राजधानीकै कुनै होटललाई ‘सेक्स स्पट’ बनाउँछन् गृहिणीहरु । छिटो भन्दा छिटो ‘धन्दा’ सकेर श्रीमान् खुसी पार्ने चाहना श्रीमानद्वारा यौन कुण्ठित गृहिणीको हुने गरेको दामोदरले जानकारी दिए ।

कस्तो हुन्छ सेक्सको प्रकृति ?

धेरै यौन चाहना हुने र कुण्ठितहरुको कुण्ठा उजागर गर्ने पर्ने भएकाले सेक्समा महिलाहरुले अनेकता चाहने गरेको पुरुष यौनकर्मीको अनुभव छ । उनीहरु विभिन्न खाले नीलो चलचित्र ‘ब्यू फिल्म’मा जस्तो आसनको चाहना राख्दछन् । धेरै जासो महिलालले मुख मैथुनको लागि बढ्ता अनुरोध गर्ने गरेको उनीहरु बताउँछन् । ‘उनीहरुरले पनि बराबर नै मुख मैथुन गर्दछन् । शीघ्र स्खलन हुन नदिन महिलाहरुले नै विभिन्न खाले औषधिहरु दिने गरेका छन् । पैसा तिरेर ल्याएको भन्ने भएपछि उनीहरुले भनेको मान्नै पर्ने हुन्छ । यौन सम्पर्क सुरक्षित बनाउन कण्डम पनि उनीहरुले ल्याउने गर्दछन् । विशेष गरी श्रीमान विदेश गएका श्रीमतीहरु रात नै वस्न चाहन्छन् । उनीहरु नशामा लठ्ठ भएपछि सेक्स गर्न चाहन्छन् । हामीलाई पनि अल्कोहल खुवाउँछन् । उनीहरु यौन संम्पर्कले पुरुष कमजोर हन्छ भनेर विभिन्न शक्तिबर्दक खानाहरु पनि खुवाउँछन् ।’ दिनमा एक वटी नटुट्ने वताउने उनीहरु बढीमा चार पाँच जनासम्म भ्याउनु पर्ने वताउँछन् ।

दामोदर जस्ता सयौं पुरुष अहिले व्यवसायिक रुपमै यौन व्यवसाय गरिरहेका छन् । तर, दामोदर भने अब यो पेसावाट हात धुने मनस्थितिमा पुगेका छन्, कारण– उनीलाई अहिले आफू स्वास्थ्य र प्रतिष्ठामा आफू निक्कै कमजोर भएको अनुभूत भएको छ । मान्छेहरुले हेर्ने दृष्ट्रिको पनि विग्रन थालेको वताउने उनले सुरुसुरुमा नयाँनयाँ स्वाद चाख्न पाएकोमा खुसी लागेको वताए पनि अब त सेक्स पनि व्यापार जस्तो हुन थालेपछि जिन्दगीको स्वाद नै विग्रन लागेको निश्कर्षमा पुगेका छन् ।

हो, यो त एउटा प्रतिनिधि र सार घटना मात्रै हो । यो समाज यसरी नाङ्गीदो छ कि, मानौ अब छोप्नै सकिदैन । समाजमा यौन अनुपातको हिसाबमा यसरी छरपस्ट हुँदैछ कि, तीतो लागे पनि त्यसको स्वाद मीठो मानेर चाट्नु पर्ने स्थिति छ । पितृसतात्मक समाजमा महिलाललाई दबाईएककै कारण महिला पहिले यौन व्यवसायीका रुपमा समाजमा देखा परे, पुरुष पनि बन्दनमुक्त भने थिएनन् र छैन पनि । यसर्थ, उ पनि व्यवसायकै रुपमा यौन पेसामा लाग्न थालेको । यसलाई विकास भन्ने कि विकृति ? यो व्यापक वहशको विषय हो । सन्दर्भ सतही जस्तो लागे पनि यसको प्रभाव राजधानीवाट अब गाउँ प्रवेश गर्दैछ, विकास जस्तरी । आजै हामी यसलाई निर्मुल वा विकासको धारणा बनाउन सक्दैनौं, बनाए पनि समयानुकुल हन्छ÷हुदैन, बेग्लै पाटो छ । तर, अब हामी यो चाहीं सोचौ यसलाई कहाँ, कसरी हेर्ने ?

एउटा मान्छे, आमाको छोरा हो, बैनीको दाई हो, माईजुको भान्जो हो, प्रेमिकाको प्रेम हो, वेश्याको वेश्या हो ।– यो सन्दर्भलाई गहिरएर सोचौं, अहिले सिर्फ सोचौं ।

समाचार स्रोतका लागि पत्रकार विदुर आचार्यलाई धन्यवाद ।