कालो झण्डा देखाउने नेविसंघ कार्यकर्ता पक्राउ

ध्रुव दंगाल, सिन्धुपाल्चोक, कात्तिक १६- शिक्षामन्त्रीलाई कालो झण्डा देखाउने ६ नेविसंघ कार्यकर्तालाई बिहीबार प्रहरीले पक्राउ परेको छ। सदरमुकाम चौतारास्थित बनदेवी माविको नवनिर्मत दृष्टिविहिन छात्रबास भवन उद्घाटन गर्न आएका मन्त्री दीनानाथ शर्मालाई नेविसंघ कार्यकर्ताले सहिदचोकमा कालो झण्डा देखाएका थिए। उनीहरुले सरकारको राजीनामा माग्दै नारावाजीसमेत गरे।

पक्राउ पर्नेहरुमा नेविसंघ जिल्ला सचिव युधिर पौडेल, नविन श्रेष्ठ, सुजन पौडेल, भीम लामा, बालकुमार कटुवाल र अर्जुन कार्की छन्। मध्यान्ह १२ बजेतिर पक्राउ परेका उनीहरुलाई अहिले जिल्ला प्रहरी कार्यालयमा राखिएको छ।