नगरकोटमा सुपारी युद्ध !

खाने सुपारी भन्ने बित्तिकै नेपाली समाजमा हामी कुनै शुभ अवसरका लागि आएको निम्ता भन्ने बुझ्छौं । तर अहिले नगरकोटमा त्यही सुपारीलाई भिडन्तको रुपमा देखाउन खोजिएको छ।
जारी रहेको सुटिङमा चलचित्र 'सुपारी' एउटा रिभेन्ज एक्सन फिल्मको रुपमा देखाइएको छ । शिब घिमिरेको निर्देशनमा बन्न लागेको सो फिल्ममा गजित बिष्ट र झरना थापा मुख्य भुमिकामा रहनेछन् । भने करियोग्राफर कविराज गहतराजले नयाँ कलाकार सपना केसी, शरण डंगोल र विकेश शाहीलाई नगरकोटमा नचाई रहेका छन् ।

 निर्देशक घिमिरेअकै कथामा बन्न लागेको सो फिल्मलाई हेराकुमारी शाहीले निर्माण गर्दैछिन् । राजेन्द्र श्रेष्ठ र सूर्य किरणको संगीत रहेको सो फिल्मलाई महेन्द्र थापाले खिचिरहेका छन् । फिल्मको सुटिङ काठमाण्डौ उपत्यका, सिन्धुपाल्चोक र चितवनमा गरिने भएको छ ।