मुम्बई, मंसिर १३ (एजेन्सी) - चर्चित व्यापारी बलिउड हिरोइन विद्या वालनसँग बिहेको प्रसंगले निक्कै उत्साहित छन्। विद्यालाई भित्र्याउन सबैखाले तयारी उनले पूरा गरिसकेका छन्। विद्या वालनलाई गिफ्टमा दिएको जुहुमा रहेको फ्ल्याटमा विद्यासँग वैवाहिक जीवन विताउन उनले पूरै फर्निचर फेरेका छन् भने इन्टेरियर पनि नयाँ रुपमा सजाएका छन्। विद्यासँग यो फ्ल्याट गत वर्ष सिद्धार्थले विद्या वालनलाई उपहारका रुपमा दिएका थिए। यो अपार्टमेन्टको मूल्य १४ करोड रुपियाँ परेको थियो। विद्यालाई बैबाहिक जीवनमा स्वागत गर्नका लागि उनी यसअघि नै यही फ्ल्याटमा रहँदै आएका थिए।
३४ वर्षीया विद्या डर्टी पिक्चरबाट राष्ट्रिय पुरस्कार पाउन सफल हिरोइन हुन्। फरक अभिनयका कारण चर्चामा रहेकी विद्याको परिणिता, पा, मुन्नाभाइजस्तफ फिल्महरु सुपरहिट छन्।
सिद्धार्थ युटिभी मोसन पिक्चर्सका प्रमुख कार्यकारी अधिकृत हुन्। यो जोडी लामो समय प्रेममा रह्यो।
Post a Comment