अस्वस्थपछि काठमाण्डौको अस्पताल हुँदै भारतमा पाठेघरको क्यान्सर भएको प्रमाणित पछि अभिनेत्री मनिषा कोइरालालाई थप उपचारका लागि आज न्यूयोर्क लगिने भएको छ । मुम्बईस्थित जसलोक अस्पतालमा स्वास्थ्य परिक्षण गर्दा पाठेघरमा क्यान्सर भएको पुष्टी भएपछि परिवारको सल्लाहमा मनिषालाई उपचारका लागि न्यूयोर्क लगिन लागेको हो ।
मनिषाका पिता प्रकाश कोइरालाका अनुसार मनिषाका साथीको सल्लाहमा परिवारले उनलाई न्यूयोर्क लाने निर्णय गरेको बताइएको छ ।
‘जसलोकका डाक्टरले क्यान्सर प्रारम्भिक अबस्थाको रहेको र भारतमै उपचार संभव रहेको भनेपनि विश्वस्थ हुन नसकेका कारण शनिवार साँझ न्यूयोर्क लैजाने भएको भारतीय संचारमाध्यमहरुले उल्लेख गरेका छन । प्रकाशका अनुसार मनिषालाई शुक्रबार बिहान जसलोकबाट डिस्चार्ज गरेर घरमा राखिएको छ ।
मनिषालाई न्यूयोर्कस्थित मेमोराइजल स्यालोन क्याटरिन क्यान्सर सेन्टरमा उपचारका लागि भर्ना गर्ने तयारी गरिएको छ । मनिषाका साथमा उनका बाबु, आमा र भाई सिद्धार्थसंगै अमेरिका जाने भएकाछन् ।
Post a Comment