छोटा पहिरन लगाउने युवती असक्षम

एक अध्ययनले छोटा तथा कामुक पहिरन लगाउने तथा कामुक देखिन चाहने महिलाहरू खासै क्षमतावान् नहुने तथ्य पत्ता लगाएको छ।  लाइभ साइन्समा प्रकाशित अध्ययन-प्रतिवेदनअनुसार अमेरिकाको ओहियोको क्यानयोन कलेजको एक समूहले उक्त तथ्य पत्ता लगाएको हो।  अनुसन्धानकर्ताहरूका अनुसार छोटा तथा कामुक पहिरन लगाउने युवतीहरू कम सक्षम हुन्छन्, जबकि सामान्य पहिरन लगाउने महिला बढी  क्षमतावान् हुन्छन्। अनुसन्धानकर्ता मनोविज्ञ सारा मुर्नेनका अनुसार अध्ययनमा १ सय ६ जना महिलासमेत गरी १ सय ६२ जना विद्यार्थी  सहभागी थिए। ती सबैलाई ३ समूहमा विभाजन गरी विभिन्न खालका पहिरन लगाएका युवतीका तस्बिर दिएर ती युवतीको बुद्धिमत्ता, सक्षमता  आदिको तुलना गर्न अर्‍हाइएको थियो। त्यस क्रममा लगभग सबैजसोले कम कपडा लगाएका अर्थात् सेक्सी पहिरन लगाएका युवतीहरूको  क्षमता, बुद्धि तथा निर्णय क्षमता सामान्य पहिरन लगाउने युवतीको भन्दा कम हुने बताएका थिए। मनोविज्ञहरूका अनुसार सेक्सी पहिरन  लगाउने सबै युवतीलाई कम क्षमतावान् भन्न नमिल्ने भए पनि कामुक पहिरन लगाउन मन गर्ने धेरैजसो युवती आफ्नो असक्षमता लुकाउन  पहिरनलाई कामुक बनाउने प्रयास गर्छन्।